Beti Onaren txapelketako finala bihar
Astean zehar hainbat lehia jokatzen ibili ondoren, Beti Onak antolatutako Oarsoaldea Txapelketaren finalak bihar izango dira. Hirugarren postuarengatik borrokatuko du talde antolatzaileak eta Rotetari egin beharko dio aurre. Partida 10:00etan hasiko da...
Astean zehar hainbat lehia jokatzen ibili ondoren, Beti Onak antolatutako Oarsoaldea Txapelketaren finalak bihar izango dira. Hirugarren postuarengatik borrokatuko du talde antolatzaileak eta Rotetari egin beharko dio aurre. Partida 10:00etan hasiko da.
Txapelketako garailea nor den, berriz, Behobia eta Beti Gazteren artean erabakiko da. Lehenengo partida amaitu eta segidan jokatuko dute, 12:00etan.
Hain zuzen, pasa den astearte eta asteazkeneko partidetan erabaki ziren finalak. Lehenengo partidan, Beti Onak 0-1 galdu zuen Beti Gazteren kontra. Bigarren partidan, berriz, asteazkenean, Behobia 3-2 gailendu zitzaion Rotetari.
Astelehenean hasiko dira entrenatzen
Beti Onatik jakinarazi dute astelehenean, hilaren 5ean, hasiko direla Beti Ona futbol eskolako entrenamenduak. Horrenbestez, 2000, 2001, 2002 eta 2003. urteetan jaiotako herritar guztiei deialdia luzatu diete izena emateko. Horretarako, Beraungo futbol zelaitik pasatu beharko dute.
