Ordiziako feriara irteera antolatu du Gazte Izanak elkarteak, hilaren 7rako
Gazte Izanak Erretiratuen Elkarteak irteera antolatu du hilaren 7rako: erretiratuak Ordiziako beriara joango dira. Dagoeneko seigarren urtez antolatu dute irteera hori. Hilaren 7an, goizean, 08:30ean aterako dira Haurtzaro Ikastolako aparkalekutik erre...
Gazte Izanak Erretiratuen Elkarteak irteera antolatu du hilaren 7rako: erretiratuak Ordiziako beriara joango dira. Dagoeneko seigarren urtez antolatu dute irteera hori.
Hilaren 7an, goizean, 08:30ean aterako dira Haurtzaro Ikastolako aparkalekutik erretiratuak. Aurretik, autobus batek Iturriozko, Karrikako eta Altzibarko bizilagunak jasoko ditu, Iturriotzen eta Altzibarren. Ondoren, denak ikastolan elkartuko dira.
Ordiziara joango dira zuzenean, eta bueltan, Azpeitiako Kiruri jatetxean bazkalduko dute.
Gazte Izanak-eko bazkideek 30 euro ordaindu behar dute irteera. Bazkide babesleek 31 euro, eta bazkide ez direnek 32.
Izena Gazte Izanak elkartearen egoitzan eman behar da, eta bihar da horretarako azkeneko eguna. Interesa dutenek, 10:30etik 12:00etara pasatu behar dute bertatik.
Antolatzaileek bi ohar eman dizkiete izena eman nahi dutenei. Batetik, jakinarazi dute bazkideek bazkide txartela aurkeztu beharko dutela ordaintzerakoan.
Bestetik, ohartarazi dute bi autobus —110 pertsonarentzat— alokatu dituztela erretiratuek irteerarako.
Biak betetzean izen-ematea itxiko dute.
