"Atxiloketak, torturak eta epaiketak" bukatzea eskatu dute
Gaur eguerdian egin duten agerraldian, herritar talde batek “atxiloketak, torturak eta epaiketak bukatzea” eskatu du. Errenteria-Oreretako Herriko Enparantzan egin dituzte adierazpenak.
“Euskal Herrian bizi hamarkadetan zehar luzatu den gatazka, bortizkeria eta errepresio egoera gainditzeko aurrekaririk gabeko momentua bizi dugu”, adierazi dute. Gatazka politikoa gainditzeko hainbat sindikatuk, eragile sozialek eta herritarrek egindako apustua gogorarazi dute. ETAk irailean aldarrikatu zuen su-etena ere bide horretatik doala esan du.
“Borondate horrekin talka egin duena, egunez egun, Espainiako Gobernuak erakutsi duen jarrera da”, diote. Horrela, “Euskal Herrian loratu den ilusioa ito” nahi izan duela gaineratu dute.
Konpromisoak
Atxiloketa, epaiketa eta tortura salaketen aurrean hartu duten konpromisoa berretsi dute. Gainera, aste honetan Espainiako Auzitegi Nazionalean Bateragune auzian epaitu duten Sonia Jacinto gogoan izan dute. Gainera, uztailaren 18tik aurrera epaituko dituzten Oarsoaldekok hamazazpi gazteen kasua ere aipatu dute.
Horren aurrean hainbat konpromiso eskatu dituzte. “Gatazka baten konponbide prozesuan atxiloketak eta torturak egotea onartezina dela pentsatzen dugu. Ez dugu onartuko Euskal Herrian arrazoi politikoengatik egiten diren atxiloketa gehiago, ez inkomunikazio egoerarik. Torturak betirako desagertu behar du”, esan dute. Gainera, Espainiako Gobernuari “errepresio politika” aldatzeko eskatu diote. “Bide horretan jarraitzen badute, gu gara besoak gurutzaturik geldituko”, ohartarazi dute. “Prozesu demokratikoa azkeneraino” eramateko prest daudela ere esan dute.
Manifestaziora joateko deialdia
Oarsoaldeko hamazazpi gazteren kontrako epaiketa salatzeko uztailaren 22an, 19:30ean, Ugaldetxo eta Errenteria-Orereta artean egingo duten manifestaziora joateko gonbitea luzatu dute. Eleak mugimenduak antolatu du.
Konpromisoak
Atxiloketa, epaiketa eta tortura salaketen aurrean hartu duten konpromisoa berretsi dute. Gainera, aste honetan Espainiako Auzitegi Nazionalean Bateragune auzian epaitu duten Sonia Jacinto gogoan izan dute. Gainera, uztailaren 18tik aurrera epaituko dituzten Oarsoaldekok hamazazpi gazteen kasua ere aipatu dute.
Horren aurrean hainbat konpromiso eskatu dituzte. “Gatazka baten konponbide prozesuan atxiloketak eta torturak egotea onartezina dela pentsatzen dugu. Ez dugu onartuko Euskal Herrian arrazoi politikoengatik egiten diren atxiloketa gehiago, ez inkomunikazio egoerarik. Torturak betirako desagertu behar du”, esan dute. Gainera, Espainiako Gobernuari “errepresio politika” aldatzeko eskatu diote. “Bide horretan jarraitzen badute, gu gara besoak gurutzaturik geldituko”, ohartarazi dute. “Prozesu demokratikoa azkeneraino” eramateko prest daudela ere esan dute.
Manifestaziora joateko deialdia
Oarsoaldeko hamazazpi gazteren kontrako epaiketa salatzeko uztailaren 22an, 19:30ean, Ugaldetxo eta Errenteria-Orereta artean egingo duten manifestaziora joateko gonbitea luzatu dute. Eleak mugimenduak antolatu du. 
