Zigorrak bi gizonentzat elkar jotzeagatik
zigorrak elkar jo zuten bi gizonentzat
Fiskaltzak zigorrak eskatu ditu duela bi urte elkar jo zuten bi gizonezkoentzat. Gertakariak 2008ko abenduan izan ziren aipatu bi gizonak taberna batean zeudela elkarri komentarioak egiten hasi zitzaizkionean. Ondoren kalera atera ziren, batek ukabilkada eman eta besteak, ukabilkadari erantzuteko, buruarekin kolpea eman eta lurrera bota zuen. Kolpearen ondorioz, aurpegian, belaunean eta bularrezurrean hainbat kontusio jaso zituen eta horrekin batera lotailu eta menisko haustura ere izan zituen, eta ebakuntza egin behar izan zioten. Guztira 136 egun behar izan zituen osatzeko. Beste gizonak ezker begian jaso zuen kolpea eta lau egun behar izan zituen osatzeko. Bi gizonezkoek fiskaltzaren zigor eskaerarekin bat egin dute. Hala, kalte gehien eragin zituenarentzat urtebete eta hiru hilabeteko espetxe zigorra eskatu du fiskaltzak. Gertaeretan parte hartu zuen beste gizonak etengabe lokalizatuta egon beharko du sei egunez fiskaltzak egindako eskaeraren arabera.
