Zuberoako giroa nagusituko da larunbatean Antxoko kaleetan, Zazpiak Bat Egunean
Zuberoa eta Oarsoaldearen arteko harremana sendotzea. Xede horrekin sortu zen Zazpiak Bat Harreman Sarea, eta helburu berberari begira hainbat ekimen jarri dituzte abian ekimenaren bultzatzaileek, tartean, larunbatean Antxon ospatuko den Zazpiak Bat Eg...
Zuberoa eta Oarsoaldearen arteko harremana sendotzea. Xede horrekin sortu zen Zazpiak Bat Harreman Sarea, eta helburu berberari begira hainbat ekimen jarri dituzte abian ekimenaren bultzatzaileek, tartean, larunbatean Antxon ospatuko den Zazpiak Bat Eguna. Egun osoko festa izango da eta Zuberoatik etorriko diren lagunez gain, hamarnaka antxotar ariko dira festan parte hartzen, lezoarrekin eta oiartzuarrekin auzolanean.
11:00etan jaurtiko duten suziriak emango dio bidea festari, eta ondoko egitarauan zehazten diren jardueraz gain, nabarmendu behar da Azoka zabalik izango dela eta bertan Zuberoako ekoizleen produktuak erosteko aukera izango dela.
Hastapenetan erakundeen eremuan sortutako elkartasun sarea herritartu eta gizarteratu nahi dute antolatzaileek.
Egitaraua
11:30. Ipuin kontalaria Kultur Etxean.
11:30. Maskarada zati baten erakustaldia Gure Zumardian.
13:30. Kantu jira Antxoko kaleetatik zehar.
14:30. Bazkaria Biteri plazako pilotalekuan jarriko dituzten karpetan.
16:30. Bazkaldu ondorengo kantaldia Iñaki Labaka rekin.
18:00. Olaz Olaz Ikas ikus-entzunezkoa ikastoletako ikasle ohien parte hartzearekin.
19:30. Bertso-triki poteoa Antxoko kaleetatik.
21:00. Erromeria Bide Batez taldearekin.
Oharra. Bazkarirako txartelak ohiko tokietan daude salgai. Helduen menuak 15 euro balio du, eta haurrenak, 7.
