Hainbat etxeaurre eskalatu eta kalteak sortzeagatik atxilotu dute gizon bat
Herrizaingo Sailak jakinarazi duenez, ertzainek gizon bat atxilotu zuten atzo herriko hainbat etxeetako fatxada eskalatu eta kalteak eragiteagatik. Gaineratu dute 10 metro hesi puskatu zituela eta ertzain bati kosk egin ziola. Gaueko bederatziak aldera...
Herrizaingo Sailak jakinarazi duenez, ertzainek gizon bat atxilotu zuten atzo herriko hainbat etxeetako fatxada eskalatu eta kalteak eragiteagatik. Gaineratu dute 10 metro hesi puskatu zituela eta ertzain bati kosk egin ziola.
Gaueko bederatziak aldera jaso zuen herritar baten deia Ertzaintzak. Herrizaingo Sailaren arabera, jakinarazi zien gizon bat hesi bat eskalatzen ari zela Agustinak auzoko etxebizitza batuen. Patruila bat bertaratu zenean gizon bat atzeman zuten kaiola bat eskuetan zuela, eta “etxeetako batetik lapurtua”. Ertzainek txoria hilda zegoela ikusi zuten, eta kaiola 10 metro hesi hautsi ondoren lapurtu zuela ondorioztatu zuten.
Gizona atxilotu eta Ertzain Etxera eraman zuten lapurreta delitua egotzita. Herrizaingo Sailak adierazi duenez, Ertzain Etxean ertzain bat hozka egin zion atxilotuak, eta delitu hori ere gaineratu zioten.
