Angulo: “Ezin da herritarren diruarekin pertsona batzuek egindako kaltea ordaindu”
Ezker abertzaleak jazarpen kasuagatik ezarritako ditu zigorra arduradunek ordaintzeko eskatu dute mozioaneta udalbatzarrean
Errenteriako Udalak 220.967 euro ordaindu beharko dizkio jazartua izan zela salatu zuen langile ohi bati. Epaileek arrazoia eman diote langile ohiari “epaia irmoa delako” azaldu dute Karlos Murua eta Santi Angulo ezker abertzaleko zinegotziek.
Ezker abertzaleko zinegotziek argi dute herritarrek edo erakundeak ez dutela ordaindu behar diru kopuru hori “kaltea eragin duten pertsonek baizik” azaldu du Angulok eta horregatik “ez ohiko udalbatzarra eskatu genuen gaiaren gaineko mozioa eztabaidatzeko”.
Ez ohiko udalbatzarra etzi egingo dute 12:00etan jarduneko alkate Juan Carlos Merinok deialdia egiteko zuen 15 eguneko epea agortu ondoren: “beste behin ere Merinok legea bere interesen arabera moldatzen duela salatu nahi dugu, jazarpenaren gaineko kasuak argitu beharrean, arduradunak zeintzu diren jakiteko bidea oztopatu duelako behin eta berriz arazoa estali nahian”. Angulok zehaztu duenez, “helburua udalbatzarra maiatzaren 17an egitea zen baina azkenik, idazkari nagusiak deitu behar izan du eta jardunean ari garela egin beharko dugu”.
Espediente administratiboak
Ezker abertzaleko zinegotziek aurkeztutako mozioaren helburua langile ohia jazarri zuten arduradunak zeintzu izan ziren zehaztea da. Horretarako jazarpena eman zen urteetan arduradun politikoak ziren Miguel Buen alkatea eta Juan Carlos Merino alkateordea eta, langile ohiaren nagusi ziren Juan Luis Gundin udaltzaingoko burua eta Jose Antonio Ugartemendia ofizialordeari espedientea zabaltzea eskatuko dute “epaiak argi zehazten du nagusiek eragin zutela jazarpena eta garai hartan aipatutako horiek ziren arduradun politiko eta teknikoak” zehaztu du Angulok.
Udalean ordezkaritza duten beste alderdiek erabakiko dutena bihar arte jakiterik izango ez bada ere “ez dugu uste inor aurka azalduko denik, azken batean legea betetzeko eskatzen dugu mozioaren bidez. Legeak, kalte ordainak daudenean udalakpolitikari eta langileei erantzukizunak eskatu behar dizkiola dio” azaldu du Angulok. Bestalde, Errioxan antzeko egoeraren aurrean PSOE-ko idazkari nagusiak arduradunek ordaindu behar dutela esan duela gogorarazi dute: “hemengoek ere horrekin bat egitea espero dugu” esan du Muruak.
