Buen eta Merino Twitter bidezko galderei erantzuten aritu dira
PSE-EEk Beraun aukeratu du kanpainako bigarren honetan ekitaldia egiteko. Hala, auzoan jarri dituzten bi karpa erraldoietako batean Miguel Buen ahaldun nagusi izateko hautagaia eta Juan Carlos Merino alkategaia aritu dira Twitter bidez jasotako galdera...
PSE-EEk Beraun aukeratu du kanpainako bigarren honetan ekitaldia egiteko. Hala, auzoan jarri dituzten bi karpa erraldoietako batean Miguel Buen ahaldun nagusi izateko hautagaia eta Juan Carlos Merino alkategaia aritu dira Twitter bidez jasotako galderak erantzuten #buenresponde etiketaren bidez. Eurekin batera, aurkezle lanetan aritu da Rafaela Romero Oiartzungo PSE-EEren alkategaia.
Lehenengo irakurri duten galdera Patxi Lopez lehendakariak igorritakoa izan da, eta ahaldun nagusi izaten denean lehenengo hartuko duen neurria zein izango den galdetu dio Bueni. Honek erantzun dio arazo nagusia langabezia izanda, horren kontra egitea izango dela.
Errenteriako alkategai izanda, Merinori herriko gaien inguruan galdetu diote, besteak beste, Pio Barojako patioa gauez aparkaleku izateko, herria hobeto garbitzeko eta Babes Ofizialeko Etxebizitza gehiago egiteko nahiak igorri dizkiote.
