‘Isilik kantatzeko’, Kazabonen azken lana
Poemak eta argazkiak bildu ditu Oiartzungo idazleak; argazki bakoitzaren alboan sentimenduak daude
Isilik kantatzeko. Hala izena du Antton Kazabonek idatzitako azken liburuak. Ibaizabal argitaletxearekin kaleratu du eta Kutxak babestutako lana da.
Hona idazle oiartzuarraren azken lanaren nondik norakoak: «Botoitxoa klikatu ondoren, argazki kameraren begiak margotutako paisaiei begira jarri da argazkilaria. Une batez, argazkilariari barruko sentipenak eta emozioak piztu zaizkio, eta argazki bakoitzaren alboan idatzi ditu sentimendu horiek. Horixe da liburuxka honek jasotzen duena. Egilearen argazkiak eta poemak batera. Zer hausnartua emango dizute, ederrez asetzen zaituzten bitartean».
'Isilik kantatzeko', azala
