Allerru-Algeposak ezin izan du Kirol Sport garaitu: 7-4
Allerru-Algeposak ezin izan du asteburu honetan denboraldiko laugarren garaipena lortu. Orkoiengo (Nafarroa) Kirol Sport taldearen kontra galdu dute lezoarrek: 7-4. Lehenengo zatia nahiko, markagailuaren aldetik orekatua izan zen, nahiz eta etxekoek os...
Allerru-Algeposak ezin izan du asteburu honetan denboraldiko laugarren garaipena lortu. Orkoiengo (Nafarroa) Kirol Sport taldearen kontra galdu dute lezoarrek: 7-4.
Lehenengo zatia nahiko, markagailuaren aldetik orekatua izan zen, nahiz eta etxekoek oso goiz sartu zuten lehenengo gola. Lezorrek, urrutitik egindako jaurtiketa bati esker partida berdintzea lortu zuten. Aukerak bi ateetan sortu zituzten, baina nafarrek bi gol egitea lortu zuten. Atsedenaldiaren aurretik bigarren gola sartu zuten lezoarrek.
Bigarren zatian, etxekoak nagusi
Bigarren zatian erasokor irten ziren etxekoak, baina lezoarrek ondo eutsi zieten. Kontraeraso batean hiruna berdintzea lortu zuten Lezokoek. Allerru-Algeposakoak lasaitu egin ziren eta bi gol jaso zituzten lau minututan. Seigarrena sartzea lortu zuten Kirol Sportekoek. Lezoarrek aldea txikitu bazuten ere, orkoiendarren gol batekin bukatu zen partida.
Hamaikagarren postuan daude lezoarrak, hamar punturekin. Asteburu honetan atsedenaldia dute Allerru-Algeposakoek.
