110 lanpostu eskainiko dituzte enpleguaren astean Irunen
Bidasoa Bizirikek antolatutako Enpleguaren astearen VI. edizioa garatuko dute datorren astearte arte. Hau honela, 110 lanpostu eskainiko dituzte, eskualdeko 37 enpresatan. Azaroaren 30a arte, lan eskaintzak El Espazio bulegoetan kontsulta daitezke, baita www.elespazio.com webgunean ere. Interesa dutenek lau eskaintzatan izena emateko aukera izango dute, eta elkarrizketak 25etik 30era egingo dituzte. Hala ere, elkarrizketak egin baina lehen, lanposturako izena eman dutenen perfilak aztertuko dituzte, eta behar izanez gero selekzioa egingo dute.
Iragan urtean bezala, Enpleguaren astea hainbat tailerrek osatuko dute. Ikastaro hauen bitartez, lan elkarrizketak hobeto prestatzen ikasiko dute. Tailerrak datorren astelehen arte izango dira, El Espazioko bulegoetan. Ikastaroetan izena emateko edo enpleguaren asteko informazio gehiago eskuratu nahi ezkero, El Espazio bulegora hurbildu daiteke, Anaka kaleko 27 zenbakira, 10:00etatik 14:00etara eta 16:00etatik 18:00etara, www.elespazio.com helbidean sartu daiteke, edo 943 63 31 60 telefonora deitu. 
