Argazki zaharren erakusketa jarriko dute udaletxean
Astelehenetik aurrera, argazki zaharren erakusketa ikusi ahal izango da udaletxeko areto nagusian. Abenduaren 15era arte egongo dira bertan prestatu dituzte 220 argazkiak. Astelehenetik ostiralera, 10:00etatik 13:00etara ikusi ahal izango dira goizez, eta 17:00etatik 20:00etara arratsaldez. Larunbatetan, berriz, goizez, 10:00etatik 14:00etara. Udalaren asmoa, gainera, erakusketa auzoetara eramatea da. 2011 urte hasieratik aurrera egingo dute auzoetako lana. Argazki artxiboa Erakusketa argazki artxiboaren lehen fasea bukatzearekin batera dator. Azken urteetan Udala lanean dabil herriko argazki artxiboa osatzeko, eta Iñaki Arbelaitz eta Eneko Salaberria iazko udaberrian hasi ziren hori osatzen. Orain bukatu dute lehenengo fasea. Bertan herriko kultur ondarea bildu dute: festak, egunak, prozesioak… Guztira, 1.400 argazki inguru bildu dituzte, auzoetako elkarteek eta zenbait norbanakok ateratakoak. Jaso, digitalizatu eta ondoren, jabeari itzuli. Hori izan da Eneko Salaberriaren lana. Helburua artxibo digital hori webgune batean zintzilikatzea da eta DVD batean jasotzea. Webgunean 1.000 argazki inguru abenduan kontsultatu ahal izango dela aurreikusi dute. Argazki bakoitzak azalpen fitxa izango du: urtea, argazkilaria, tokia… Hori Iñaki Arbelaitzek osatu du. Bigarren fasea Bigarren fasera begira daude orain Salaberria eta Arbelaitz. Bertan. kulturalak ez ezik, bestelako argazkiak ere bilduko dituzte: baserriak, lanbide zaharrak, auzoen bilakaera… Laburbilduz, Oiartzungo argazki artxibo etnografiko gisa definitu daitekeena osatzea da asmoa, Idurre Bera Kultura zinegotziak [...]
Astelehenetik aurrera, argazki zaharren erakusketa ikusi ahal izango da udaletxeko areto nagusian. Abenduaren 15era arte egongo dira bertan prestatu dituzte 220 argazkiak. Astelehenetik ostiralera, 10:00etatik 13:00etara ikusi ahal izango dira goizez, eta 17:00etatik 20:00etara arratsaldez. Larunbatetan, berriz, goizez, 10:00etatik 14:00etara.
Udalaren asmoa, gainera, erakusketa auzoetara eramatea da. 2011 urte hasieratik aurrera egingo dute auzoetako lana.
Argazki artxiboa
Erakusketa argazki artxiboaren lehen fasea bukatzearekin batera dator. Azken urteetan Udala lanean dabil herriko argazki artxiboa osatzeko, eta Iñaki Arbelaitz eta Eneko Salaberria iazko udaberrian hasi ziren hori osatzen.
Orain bukatu dute lehenengo fasea. Bertan herriko kultur ondarea bildu dute: festak, egunak, prozesioak… Guztira, 1.400 argazki inguru bildu dituzte, auzoetako elkarteek eta zenbait norbanakok ateratakoak. Jaso, digitalizatu eta ondoren, jabeari itzuli. Hori izan da Eneko Salaberriaren lana. Helburua artxibo digital hori webgune batean zintzilikatzea da eta DVD batean jasotzea. Webgunean 1.000 argazki inguru abenduan kontsultatu ahal izango dela aurreikusi dute. Argazki bakoitzak azalpen fitxa izango du: urtea, argazkilaria, tokia… Hori Iñaki Arbelaitzek osatu du.
Bigarren fasea
Bigarren fasera begira daude orain Salaberria eta Arbelaitz. Bertan. kulturalak ez ezik, bestelako argazkiak ere bilduko dituzte: baserriak, lanbide zaharrak, auzoen bilakaera…
Laburbilduz, Oiartzungo argazki artxibo etnografiko gisa definitu daitekeena osatzea da asmoa, Idurre Bera Kultura zinegotziak azaldu duenez.
Tabua desagerrarazi
Iñaki Arbelaitzek nabarmendu duenez, artxiboarekin, gainera, tabu bat desagerrarazi nahi dute. «Orain arte argazkiak norberak gordetzen zituen eta egoistak ginen. Baina kontuan hartu behar da argazkiak ez direla inorenak, herriarenak baizik», nabarmendu du. Hala, herritarrei proiektuak parte hartzeko eskatu diete Arbelaitzek, Salaberriak eta Udaleko kideek.
Prentsaurrekoko audioa, hemen: http://blip.tv/dashboard/episode/4391315
