Gaur goizean aurkeztu dute Oiasso Erromatar Museoan, bertan eta Amaia Kultur Zentroan azaroaren 16tik 20ra arte ospatuko den Bidasoako Nazioarteko Zinemaldi Arkeologikoaren (FICAB) hamargarren aldia. Ekitaldiko zuzendari Mertxe Urteagak, Irungo alkate Jose Antonio Santanok eta Fernando San Martin kultura zinegotziak aurtengo ekitaldiko programaren berri eman dute.
Hilaren 16tik 20ra bitarte ospatuko da, eta gaur aurkeztu dute Irungo Oiasso Erromatar Museoan.
Irungo aurkikuntzak gizarteratzeko sortu zen Oiasso Museoa
Gaur goizean aurkeztu dute Irungo Oiasso Erromatar Museoan, bertan eta Amaia Kultur Zentroan azaroaren 16tik 20ra arte ospatuko den Bidasoako Nazioarteko Zinemaldi Arkeologikoaren (FICAB) hamargarren aldia. Ekitaldiko zuzendari Mertxe Urteagak, Irungo alkate Jose Antonio Santanok eta Fernando San Martin kultura zinegotziak aurtengo ekitaldiko programaren berri eman dute.
Fernando San Martin kultura zinegotzia “harro” sentitu da FICAB-en hamargarren aldiaren aurkezpenean, Espainiako estatuko «arloko zinemaldi bakarra zelarik sortu, eta bakarra izaten jarraitzen» duelako. Bere ustez, hasierako helburuak bete ditu ekimenak: «Irungo aurkikuntzak gizarteratzea, herritarrei festibala beraiena dela sentiaraztea eta kanpora begirako pantaila bat izatea».
Kalitate maila handiagoa
Oiasso Erromatar Museoko zuzendari Mertxe Urteaga da zinemaldiko arduradun nagusia ere. Aurtengo ekitaldian «berritasun handirik ez» dela egongo baieztatu du, hori bai, «kalitate handiagoa eta sailkatze elitistagoa» lortu dela argitu du. Datu bat eman du gainera: «iaz 60 filma aurkeztu baziren, aurten bi gehiago. Ez da igoera handia, baina festibalean proiektatuko diren zintak hautatzea oso zaila gertatu zaigu aurten, eta hori kalitate mailagatik izan da».
Hiria, museo eta zinemaldia eskutik doaz, eta hori da alkatearentzat arrakastaren sekretoa. «Hiritarrak pixkanaka maitemindu dira FICAB-ez. Baliabide gutxirekin kalitate handiko jaialdia egin da, pasioz beteriko taldea dagoelako atzean».
Zinemaldiarekin batera, mintegia
Zinemaldiarekin batera hilaren 18an eta 19an Historia eta Arkeologia ikus-entzunezko komunikazioan tailer-mintegia burutuko da, Amaiako ekitaldi aretoan. Bigarren aldia da FICABeren osagarri bezala mintegia antolatzen dutela. Bertan, proiekzioak eta solasaldiak tartekatzen dira, azken hauek publikoari irekiak. «Sona handiko partehartzaileak» izango direla, aurreratu du Urteagak.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
