'Hondarribiko Pregoi Txikia' abestuko dute bihar lehen aldiz

Entzun Pello Irigoienek eta Koldo Emeryk sortu duten abestia. Ihintza Alza eta Maddi Alonso haurrek abestuko dute bihar, txupinazoaren aurretik.

Asier Perez-Karkamo

Hondarribia

2018/09/05

Orain arte irakurri izan dute pregoia. Aurtengo jaietatik aurrera abestuz hasiko dituzte festak

Haurren txupinazoarekin eta zezen puzgarrien entzierroarekin hasiko dira bihar Hondarribiko Festak. Horraino ezer berririk ez. Badira urte mordoxka haurrek hilaren 7ko hasiera ofizialari aurre hartu ziotela, eta jaiak egun bat lehenagotik disfrutatzen dituztela. Baina aurten bada berritasun bat. Azken urteetan pregoia irakurri izan dute txupinazoaren aurretik, jaien hasierari biribiltzeko nahian edo. Aurten, Ihintza Alza eta Maddi Alonso haurrei egokitu zaie pregoia irakurtzea. Baina ez dute irakurriko, abestu egingo dute pregoia. Hondarribiko Pregoi Txikia sortu dute, Pello Irigoienen musikarekin eta Koldo Emeryren letrarekin (entzun behean). Grabatu ere egin dute, joan den astean Psilocybenean. Grabaketan, Irigoienek eta Oihan Alberrok jo zuten txistua, Emeryk abestu zuen, eta Mikel Iturriak jardun zuen teknikari bezala.

Hilaren 6ko egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.