Beste hogeita bost urtez lohitzeko prest

Psilocybe25 Velozet

Velozet taldearen kontzertua, Psilocybe 25 urte lohian jaialdiaren barruan

Jendetza elkartu du Psilocybe Musika Elkartearen 25. urteurreneko jaialdiak. Urte osoan ari dira elkartearen mende laurdena eta Psilocubenea aretoaren hamargarrena behar bezala ospatzen, baina asteburuan egin dute ekitaldi nagusia, Minasoroetako aparkalekuan. Ostiralean rap eta reggae jaialdia egin zuten, eta larunbatean egun osoko rock festa mugikorra, herri bazkaria eta guzti.

Talde gonbidatuen artean Mighty Diamonds jamaikarrak, Capsula eta Belako nabarmendu dira. Etxekoei dagokionez, Acto Messie, Marmoka eta Velozet (irudian), izan dira Psilocybe 25 urte lohian jaialdian jo duten taldeetako batzuk.

Asteburuan zehar ikusitakoaren arabera, beste 25 urtez lohitzeko prest daudela erakutsi dute Hondarribiko musikariak eta musika zaleak. Hala bedi!

Ez dago iruzkinik

Egin iruzkin bat

*

*

 

Send this to friend