Inauteriei begira, girotzen hasi dira Irun

Kaldereroak eta inude eta artzainak izan dira asteburuan; ostegunean hasiko dira ofizialki inauteriak.

2017/02/20

Kaldereroen konpartsa, Colon pasealekuan.

Inauteriak ofizialki ostegunean hasiko dira Irunen, baina dagoeneko hasi dira motorrak berotzen. Asteburu honetan bi ekitaldi izan dira hiria testuinguru horretan jarri dutenak: larunbatean, kaldereroak eta ostiralean, inude eta artzainak.

Inude eta artzainak, San Juan plazan. (Argazkia: Facebook)

Eguraldiak errespetatu zituen bi ekitaldiak, eta horrenbestez, jende ugari bildu zen horien inguruan. Irungo Atsegiñaren eskutik kaldereroek zartagin soinuz bete zituzten bazterrak larunbat iluntzean. Atzo, berriz, Eraiki dantza taldearen inude eta artzainak kalez kale ibili ziren panpinak airera botatzen. Ostegun gizenarekin ikusiko dute irundarrek Zanpantzar, inauteriei hasiera ofiziala emanez. 19:00etan abiatuko da zanpantzar konpartsa, Alberto Anguera plazatik, eta Zabaltza plazara heltzean bertan jarriko dute Zanpantzar. Ondore, erraldoien balsa dantzatutako dute. Ekitaldi garrantzitsuenak asteburuan izango dira. Larunbat goizean, Luzaideko inauteriak dantzatuko dituzte Kemen dantza taldeko 300dik gora lagunek, herriko kaleetan. Arratsaldean, berriz, inauterietako desfilea izango da, konpartsen eskutik. Aurten, hemezortzi konpartsak parte hartuko dute, iaz baino bi gehiagok, eta 2.800 inguru lagunek parte hartuko dute.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.