[Galeria] Hondarribia Blues Festival. Argazki onenak, gozatzeko

Jaialdiko 11. ekitaldiko talde guztien argazkiak bildu ditu HITZAk galeria honetan. Beste behin, gogoratzeko modukoa izan da Hondarribia Blues Festival.

Asier Perez-Karkamo

Hondarribia

2016/07/19

Junior Watsonen kontzertuko une bat.

Bukatu da XI. Hondarribia Blues Festival. Amaitu da beste ekitaldi arrakastatsu bat, gogoratzeko modukoa. Hogeitik gora kontzertu, horietatik gehienak maila handikoak, eta hainbat ekitaldi paralelo egitaraua osatzeko. Arrastoa utzi dute berriro AEBetik etorritako izarrek baina, era berean, Europan ere goi mailako bluesa egiten dela argi geratu da. Generoko zale amorratuek markatuta dute euren agendan Hondarribiko jaialdia, baina hain zale ez direnek ere gozatu dute hamaikagarren ekitaldiaz, aditua ez den publikoa ere harrapatzeko moduko taldeak bazirelako egitarauan. Hondarribia Blues Festivalek blues, soul, funk, R&B, rock and roll eta swing-az blai utzi ditu Hondarribira hilaren 14tik 17ra hurbildu zirenak. Eguraldi ona lagun, milaka lagun elkartu dira Arma Plazan, San Pedro kalean eta, batez ere, Bentako eszenatokietan programatutako kontzertuetan. Herritar asko, eta zientoka bisitari. Dudarik gabe, Hondarribira iraupen ertaineko bisitari gehien erakartzen dituen kultur ekitaldia da blues jaialdia, eta horrek eragin itzela du herriko ekonomian. Horregatik, hausnarketarako ere balio beharko luke Hondarribia Blues Festival jaialdiko 11. ekitaldiak. Lehen ediziotik, oinarri sendoko jaialdi bikain bat eraiki du Blues Hondarribia Elkarteak, hasierako aurreikuspenak erruz gainditu eta gutxik imajina zezaketen neurri bat hartzeraino. Ez dadila kartazko gaztelu bilakatu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.