Azoka hutsa baino gehiago, aisialdirako plana izatea nahi dute

Martxoaren 12an eta 13an egingo dute Hondarribiko Basque Market azokaren lehen ekitaldia, Itsas Etxea Auditoriumean, harmailak kenduta.

Asier Perez-Karkamo

Hondarribia

2016/02/25

Hilaren 16an aurkeztu zuten Hondarribiko Basque Market azokaren lehen ekitaldia, Hondarribiko udaletxean. Martxoaren 12an eta 13an egingo dute Itsas Etxea Auditoriumean, harmailak kenduta. Aurkezpenaren egunean bertan ireki zuten artisauek izena emateko aukera, eta dagoeneko hogeitik gora dira azokan egoteko interesa agertu dutenak. Euskal Herriko diseinatzaile profesional original eta kalitatezkoak bildu nahi dituzte Basque Marketen. Sei arlotan banatuko dute azoka (altzariak, apainketa, zuntza, bitxiak, ilustrazioa eta gadget-ak), eta ekintza paraleloekin osatzen ari dira egitaraua. Hala, haurrentzako tailerrak egingo dituzte eraikineko atzealdean (plaza mugatuak dira eta izena eman behar da), eta eszenatokian, hitzaldiak, produktuen aurkezpenak eta zuzeneko musika, lau kontzertu guztira. Merkataritza zinegotzi Maria Serranok azaldu zuenez, azoka baino gehiago izango da Basque Market, “aisialdiaz disfrutatzeko beste modu bat”.

Basque Market. Behin-behineko egitaraua

Martxoak 12

10:00-20:00. Erakusketarien azoka, auditorioan.
10:30. Haurrentzako tailerra: Itsasoko eta lurreko koroak.
11:30. Haurrentzako tailerra: Itsasoko eta lurreko mozorroak.
Oskar Benas
13:00. Oscar Benasen kontzertua.
16:00. Aurkezpena: Gure itsasoko urdina harrapatu… harien bitartez. Hizlaria: Pilar Morquillas (Lina Lan Toon).
16:00. Haurrentzako tailerra: Itsasoko eta lurreko koroak.
17:00. Haurrentzako tailerra: Itsasoko eta lurreko mozorroak.
17:30. Haurrentzako tailerra: Art jolasean.
19:00. Amor de Tokyo taldearen kontzertua.

Martxoak 13

10:00-20:00. Erakusketarien azoka, auditorioan.
10:30. Haurrentzako tailerra: Mikromunduak.
11:30. Haurrentzako tailerra: Itsasoko eta lurreko animaliak.
13:00. Howdy taldearen kontzertua.
16:00. Haurrentzako tailerra: Mikromunduak.
17:00. Haurrentzako tailerra: Itsasoko eta lurreko animaliak.
19:00. Frank taldearen kontzertua.

Eguneraketak ezagutzeko, bisitatu basquemarket.eus webgunea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.