Ezagutu Irun Rock jaialdiko banda nagusiak
Larunbatean dira Irun Rock festibaleko kontzertu nagusiak, 19:00etatik aurrera, Ficoban.
Siniestro Total Galiziako punk rock talde mitikoa
Siniestro Total
Aurkezpenik behar ez duen punk-rock talde galiziarra. Urteekin ez dute indarrik galdu, eta soinu txukunagoa eta rockeroagoa bilatu duten arren, letretan betiko garraztasuna mantendu dute. Nortzuk diren, nondik datozen eta nora doazen ez badakizu, Ficoban deskubrituko duzu. Aurten Paseando sobre el agua EP-a kaleratu dute, baina bihar betiko klasikoak joko dituzte: Bailaré sobre tu tumba, Miña terra galega, Diga que le debo...Nacho Vegas
Folk rock intimista egite du Xixongo kantautoreak, Manta Ray tadearen sortzaile izandakoak. Bere musikan eragin izan duten egileen artean Nick Cave, Leonard Cohen edo Tom Waits daude, besteak beste, baina askotan rock minimalistara hurbiltzen da, Los Planetas taldetik gertu kokatzeraino. Bere azken lana Resituación da, 2014an argitaratua.El columpio asesino
Iruñeako harri bitxia. Indie rock, elektronika, pop… Musika sailkaezina egiten dute, baina alde guztietatik iritsi zaizkie sariak eta kritika onak. 1999an Iruñean sortu eta bi urtetan Benicassimeko FIB-etik deitu zieten jotzeko. Ordutik haien ospea handitu baino ez du egin. Diamantes laugarren estudioko lana urteko disko onena izan zen Mondosonoro aldizkariarentzat eta nafarrek bost sari eskuratu zituzten Musika Independentearen Sarietan: Talde, abesti, rock disko, ekoizpen musikal eta zuzeneko onena. https://youtu.be/0zcZ28G0OfoGuadalupe Plata
Ubedako (Jaen, Andaluzia) blues rock talde bikaina. Izen bereko lehen diskoarekin nazioartera jauzi egin eta Zigilu Independenteen Europako Elkartearen eskutik urteko disko onenaren Impala saria jaso zuten iaz. Espainiako Estatuan, hiru bider igo ziren taulara Musika Independentearen Sarietan, urteko artista, urteko rock album eta zuzeneko onenaren sariak jasotzera. 2013an Psilocybenean jo zuten, XX. urteurreneko festan, Willis Drummond eta Athom Rhumba taldeekin batera.La Maravillosa Orquesta Del Alcohol (La M.O.D.A.)
Folk rock melodikoa. Irlandan sortutako Burgosko banda. Dublinen bizi zela erabaki zuen taldea sortzea David Ruizek (ahotsa, gitarra, banjoa), hango tabernetan entzuten zuen musikarekin liluratuta. 2013 urtean furgoneta batean sartu eta Frantzia zeharkatu zuen taldeak, kaleetan joz. Nomadas bideo klipean bidai horretako pasarteak bildu dituzte. Dropkick Murphys handien artista laguntzaile izan dira.Bullet Proof Lovers
Hard rock dantzagarria, punk eta power pop ukituekin. Nuevo Catecismo Catolico, Discipulos de Dionisos, Txorlitohead edota Señor No bezalako taldeetako musikariak biltzen dituen superbanda donostiarra, Kurt Baker abeslari duena. Iaz lehen zazpi abestiak argitaratu zituzten. Horietako bat, It’ll be allright “munduko abesti cool-ena” (coolest song in the world) izendatu dute Steven Van Zandt E Street Band taldeko gitarristaren Little Steven’s Underground Garage irratsaioan.Taldeen ordutegia
- 19:00. Bullet Proof Lovers
- 20:15. Guadalupe Plata
- 21:45. Nacho Vegas
- 23:30. Siniestro Total
- 01:30. La M.O.D.A.
- 03:00. El Columpio Asesino
