
Euskal Federazioa bigarren geratu zen Granadan
Hondarribiko Ama Guadalupekoa taldean entrenatzen den Amaia Curiel lasartearrak urrezko domina lortu zuen larunbatean Albalote herrian (Granada, Espainia) egin den gazteen eta eskolarteko Espainiako Borroka Txapelketan. Horrela, iaz lortutako brontzea hobetu du eta kirol bilakaera bikaina daramala berretsi du, lasartearraren urte hasiera hobetzen zaila ari baita izaten: otsailaren 23an nagusiekin lehiatu zen eta brontzezko domina eskuratu zuen Curielek eta bi aste lehenago Espainiako Sambo Txapelketa irabazi zuen.
Curiel gazteen txapelketan aritu zen. Bera izan zen Hondarribitik bidaiatu zuen Gazte Mailako borrokalari bakarra eta Euskadiko selekzioko neska bakarra. Hiru borroka izan zituen eta hirurak irabazi
Eskolarteko mailan urrea taldearentzat
Granadan emaitzarik onenak Albaloten eskolarteko txapelketan lortu zituen Ama Guadalupekoak. Aritz Garciak urrea lortu zuen (-60 kiloetan), Antxon Lekarozek zilarra (-53 kilo) eta Joel Herrador (-59 kiloetan) eta Sergio Diaz (-42 kilo) hirugarren geratu ziren.
Taldekako sailkapenean lehen postua lortu zuen Hondarribiko taldeak eta pilatutako puntuei esker Euskadi bigarren geratu zen, Federazioen sailkapenean.