Zarata Fest egingo dute bihar gauean Trintxerpeko Mogambo aretoan. Hiru talde izango dira bertan, Ali Agca, RAS eta Silex. Musika jaialdia 21:30ean hasiko da. Etzi, berriz, talde gehiagok joko dute Melting Brain jaialdian. Hala, izen hori daraman talde...
Ixiar Isasaren margolanak ikusteko aukera izango da Garmendi txokolategian, gaur hasi eta hilaren bukaerara arte. Ohi bezala, erakusketa bisitatu nahi dutenek, txokolategia irekita dagoen ordutegian pasatu behar dute bertatik.
Urriko udalbatzarra egin zuten atzo. Plenoan, Bilduko zortzi zinegotzi eta EAJko biak izan ziren. 2013ko Ordenantza Fiskalak onartu zituzten Bilduko zinegotziek, eta EAJk kontra bozkatu zuen. Ordenantza horietan jasota geratu denez, datorren urtean %2,4 igoko dira zergak, eta %3,4 tasak. Tasen igoeran BEZak zerikusia du, baina ez du igoera osoa aplikatuko udalak: “Herritarrentzako gehiegizkoa izan zitekeenez aplikatu beharreko igoera, udalak bere gain hartu du zati bat”. Bestelako aldaketa batzuk ere onartu zituzten ordenantzetan. Hala nola, bigarren etxebizitzagatik tasa ordaindu beharko da. Oiartzunen erroldatuta daudenak, salbuetsita egongo dira tasa hori ordaintzeaz. Bestalde, hondakinak kudeatzeko kudeatzaile pribatuak dituztenek hobaria jasoko dute. Horrez gain, udaletxea ekintza pribatuetarako erabiltzeko tasa ezarri dute. Kultur ekitaldiak salbuetsita egongo dira. EAJk Elizalde auzoko hiru aparkaleku publikoetan TAO jartzea aztertzeko eskatu zuen. “Aparkalekuak mantentzeak gastuak ditu eta beste auzoetako bizilagunekiko diskriminatzailea da Elizaldekoek dohainik aparkatu ahal izatea. Krisi garaian dohainik aparkatzea luxu bat da”, adierazi zuen Mikel Idiazabalek. Bilduko Gobernu Taldeak orain arte ez duela halakorik planteatu erantzun dio, eta aztertuko duela. Auto-taxi garraiorako hiri zerbitzuen 2013rako tarifak ere aztertu zituzten zinegotziek. Datorren urtean ez dituzte prezioak igotzeko asmorik, baina BEZa aldatu denez, legea bete, eta BEZa %8tik %10era igota tarifak eguneratuko dituzte. Soinuenea Fundazioa, 2012ko ekarpenaren murrizketa [...]
HH5 eta LHko ikasleekin auzolanean egi bihurtzeko egitasmoa diseinatuko dute hilabete honetan Irrien Lagunak Lezon taldeak parte hartze prozesua zabaldu nahi du haurren artean, Pildaingo eremua auzolanean berreskuratzeko. Horretarako Lezo Herri Eskolako eta Pasaia-Lezo Lizeoko HH5 eta LHko ikasleen artean talde bat osatu eta sei dinamizatzailerekin batera eremu horretan zer egin nahi duten esatea proposatuko diete. Izena emateko eskuorria banatu dute, eta parte hartu nahi duten haurrek hilaren 7a dute azken eguna hori bete eta irakasleari emateko. Haur taldearekin hiru saio antolatu dituzte, hilaren 16an, 23an eta 30ean, arratsaldeko bostetatik aurrera Pasaia-Lezo Lizeoak Lezon duen eraikinean. Bertan bilduta haur guztien artean proposamenak adostu beharko dituzte: «Pildaingo orubea berreskuratzeko zer egin daitekeen edo zer egin nahi duten bertan proposatuko dute haurrek, eta ondoren herriari emango diote azken proiektuaren berri». Proiektua egi bihurtu Hurrengo urratsa, haurren taldeak egindako saioetan adostutakoa, auzolanean eta ahalik eta herritarren parte hartze zabalenarekin egi bihurtzea izango da: «Kontua ez da proposamen hutsa egitea, adostutako hori egingarria izatea, eta auzolanean egi bihurtzea da azken helburua». Horren harira, guraso, anai-arrebak, aiton-amonak, izeba-osabak eta bizilagun guztiak deitu dituzte parte hartzera Irrien Lagunak Lezon taldeko kideek, «Lezon euskaraz bizi nahi duen orok du lekua egitasmo honetan». Parte hartze eskaera ez dute [...]
Euskal kostako flysch-a izeneko erakusketa udaletxeko areto nagusian dago, Luberri Ikasgune Geologikoaren eskutik. Astelehena da mostra bisitatzeko azken eguna. Luberriko arduradunek gogorarazi dutenez, helburu bikoitza du erakusketak: «Euskal Herriko...
Atzo, urriko ohiko udalbatzarra egin zuten herriko zinegotziek. Beste hainbat gairen artean, Catelsako langileek aurkeztutako mozioa landu zuten. Aho batez onartu zuten Bilduko eta EAJko zinegotziek (Hamaikabateko ordezkaria ez zen udalbatzarrean egon)...
Erregional Preferenteko zazpigarren jardunaldian, garaipena eskuratu du Allerruk. 3-2 irabazi dio gaur Santo Tomas Lizeoa taldeari. Sailkapeneko bosgarren postuan daude lezoarrak, baina oraindik asteburuko partida guztiak jolastea falta da, taula nola ...
Neurriaren bitartez udalak ziurtatu nahi du interesdun guztiek izango dutela aukera datuak emateko Lezoko Udalak jakinarazi du herri baratzeen egitasmorako herritarren izena emateko epea luzatu egin dutela. Hain zuzen ere, izena emateko muga berria hil...
Domu Santu Eguna da gaur. Ohitura jarraituz, Oarso Bidasoko hainbat eta hainbat herritar izan dira hilerrietan, hildako senideak gogoratzen. Irudia Oiartzungo kanposantukoa da.
EAJren Irungo udal taldeak parte hartze prozesuen eta bosgarren edukiontziaren gaineko iritziak kaleratu ditu aste honetan. Batetik, parte hartze prozesuetan udalak gastatuko dituen 21.000 euroko diru kopurua “inolaz ere beharrezkoa” ez dela adierazi du EAJk Xabier Iridoy bozeramailearen bidez. Bestetik, Txingudiko Mankomunitateak edukiontzi marroiaren alde egindako apustua txalotu du taldeak. Hala, Belaskoenea eta Artiga auzoetako parte hartze prozesuak aurrera eramateko enpresa bat azpikontratzea “ez dela beharrezkoa” adierazi du Iridoyk. “Nabarmendu nahi dugu bi auzo elkarteek ere adierazi dutela parte hartzea bultzatzeko enpresa bat azpikontratatzea ez dela beharrezkoa”, esan du bozeramaileak. Izan ere, prozesu hori udaletik egin daitekeela uste dute, “etxean ditugun bitartekoak erabiliz eta auzo elkarteen laguntzarekin”, eta Urdanibia Berrin egindako kontsulta “kanpoko kontratu baten kosturik gabe” egin zela oroitarazi du jeltzaleak. Hortaz, aurrekontuetan lortutako 100.000 euroko partidatik udal gobernuak 21.000 euro azpikontrata batean gastatuko dituela salatu du bozeramaileak. Gipuzkoako Foru Aldundiak 3.500 euroko diru laguntza ematen duela parte hartze prozesuetarako ere esan du. “Kopuru hori erabil zitekeen hemen ere. Diru publikoa guztiz beharrezkoak diren gauza horietan bakarrik gastatu behar da. Eta gure ustez, 21.000 euroko gastua ez da inolaz ere beharrezkoa”, adierazi du. Hala, bi auzoek behar “garrantzitsuak eta premiazkoak” dituztela esan du EAJk, eta horietako bakoitzean 40.000 euroko [...]
Festa berezia antolatu dute Pagoa dantzalekuan etzirako: hamasei orduko jaia, atsedenik gabe. Hainbat disko jartzaile gonbidatu dituzte kabinara: The Horrorist (New York), Stamba (Bordele), Nole (Nafarroa), Iker Allo, Abuelo, Txarli, Mr. Loops, Superso...
Juan Telletxea artista ezaguna da herritarrentzat. Egurrezko erlojuak egiten ditu. Oraindik haren lana ezagutzen ez dutenek, hilabete osoan izango dute horretarako aukera Tolaita ostatuan. Gaurtik hilabete bukaerara arte, erlojuak Tolaitako paretetan e...
Lehen Erregionalean, 3-2 irabazi diote oiartzuarrek Beti Ona taldeari. 16:30ean hasi da partida, eta oraintxe bukatu da. Sailkapeneko hirugarren postuan dago Oiartzun.
Ohorezko Erregiona Mailako Oiartzunek, 15:30ean hasi du Tolosaren aurkako partida. Bukatu berritan, hauxe emaitza: 3-1, oiartzuarren alde. Oraingoz, zazpigarrenak dira oiartzuarrak sailkapenean, baina asteburuko partidak bukatu ondoren jakingo da taula...
Apirilera arte egunero eskainiko du zerbitzua ludotekak 16:30etik 19:30era; oraindik izena eman daiteke Ludotekak datorren astelehenean, hilak 5, zabalduko ditu ateak berriz ere. Atzo amaitzekoa zen berez izena emateko epea, baina oraindik ere interesdunek izena eman dezaketela azaldu du Xanti Val Kultura teknikariak. «Gehienez 45 erabiltzaile izan daitezke, aretoaren segurtasun neurriek kopuru hori markatzen dutelako», azaldu du Valek. Une honetan 34 haurrek eman dutela izena gaineratu du: «37 haur izango zirela zehaztu ziguten erabiltzaileek, baino azkenean 34 etorri dira eta kopuru hori balekoa da». Horrenbestez, oraindik ere izena eman daitekeela azaldu du, «epea programazioak prestatze aldera eta beharko genuen begirale kopurua zehazte aldera markatu genuen gehienbat. Beraz, haurren bat astelehenean ludotekan azaltzen bada, izena eman nahi duelako, ez du arazorik izango». Dagoeneko landu beharrekoen programa esku artean dutela zehaztu du kultura teknikariak, «epeekin justu samar ibili bagara ere, ludotekarekin aurrera egitea azken unean erabaki delako, lantaldea prest dago astelehenean ekiteko». Gurasoek kudeatzea helburu Udalak zerbitzua bertan behera uztea erabaki zuen, egoera ekonomikoa dela eta, baina erabiltzaileen gurasoekin bilera sorta eginda, ikasturte honetan zerbitzuarekin jarraitzea adostu zuten. Akordioaren arabera, gurasoek 50 euro ordainduko dituzte, eta udalak berriz 11.000 euroko diru zatia jarriko du. Ikasturte honetan, bestalde, apirilera arte eskainiko du zerbitzua [...]
Gaur jai eguna izanik, hainbat futbol partida jokatu dituzte. Erregional Preferenteko taldeak bezala, neskek ere garaipena eskuratu dute. Emakumeen Gipuzkoako Ligan, Allerruk 2-1 irabazi dio Intxaurdi taldeari. Asteburu honetako jardunaldia oraindik bu...
Gaur jai eguna da eta bihar zubia dute erabiltzaile gehienek; astelehenean hasiko dituzte eskolak Madalensoron dagoen KZgunean, hilabetero bezala, hainbat ikastaro antolatu dituzte azarorako ere. Gaur jai eta bihar zubia izanik erabiltzaile gehienentza...
KZguneak azaroko ikastaroen berri eman du. Googleren aplikazioak, oinarrizko Internet, sare sozialak, software librea edo IT txartelaren gaineko ezagutza izateko hainbat ikastaro daude, baita administrazioari lotutako bi ikastaro: Mugipuzkoari eta Meta...
Joan den ostiralean Hendaiako lehen trinketea inauguratu zuten, Beltzenian. Daniel Ugarte ezker paretaren ondoan eraiki dute eta 1,5 milioiko aurrekontua izan du. Horau arkitektu hendaiarrak diseinatu du ekipamendua, 100 lagunentzako harmailak barne. Inauguraziora jende asko hurbildu zen. Amets Arzallus eta Sustrai Colinak azpiegitura berriari bertsoak jarri zizkioten, baina ez ziren izan abestu zuten bakarrak. Izan ere, Jean Baptiste Salaberri auzapezak Laida pilotaria kantatu zuen, Baigorriko Lehen Pilotarien Biltzarrean entzundako doinua. Nola ez, pilota erakustaldiarekin amaitu zen Hendaiako trinketearen bataiatze ekitaldia.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
