Kromoak trukatzeko deialdia egin dute beste behin, eta bihar kromoak biltzen aritzen dieten guztiak Pelukasen kiosko aurrean elkartzera animatu dituzte. Bilduma berriak agertu direla eta (Adrenaline X, Invizimals, Bob Esponja, Dora la exploradoraren pa...
Espainiako lehenengo mailan dabilen Ereintza eskubaloi taldeak BM Corrales talde kantabriarraren kontrako lehia izango du gaur. Kantabriarrak ez dabiltza oso fin denboraldian, eta azken hirugarren tokian daude sailkapen nagusian. Errenteriarrak, aldiz,...
Bidasoa Bizirik-ek, El Espazio bulegoaren bitartez, formaziorako eta lana bilatzeko bost tailer antolatu ditu datorren asterako. Goizane Alvarez Bidasoa Bizirik-eko presidentean jakinarazi du tailerrak “lan bila daudenen beharren arabera” p...
Hileko bigarren larunbata da gaur, eta oraingoan ere ez du hutsik egin kantu jirak. Eguerdiko hamabietan udaletxearen aurrean bildu dira kantariak, eta euskal kantak abesten aritu dira. Gaurkoan, gainera, udal txistulari bandak girotuta egon da erronda...
SAMARA VELTE / BERRIA (IRUN) Ahotsak ekimeneko sustatzaileetako batzuk argitara atera dute askok galdutzat jotzen zutena: Euskal Herriko ideologia eta txoko desberdinetako emakumeek elkartuta jarraitzen dutela, gatazka politikoan aterabide demokratikoa bilatzeko gogoz. Hala adierazi zuten atzo Irunen (Gipuzkoa), Ahotsak berriro martxan lelopean egindako mahai-inguruan; bertan izan ziren Ainhoa Aznarez PSNko Iruñeko zinegotzi ohia, Jone Goirizelaia ezker abertzaleko kidea eta Nekane Alzelai eta Onintza Lasa EAko legebiltzarkide ohiak. Elixabete Piñol (EAJ), Kontxi Bilbao (Ezker Batua) eta Duñike Agirrezabalaga (Alternatiba) ere espero zituzten atzoko hitzorduan, baina ez ziren agertu. Antxeta Irratiak antolatu zuen mahai-ingurua. Laurek bat egiten dute: emakume ahotsak inoiz baino beharrezkoagoak dira Euskal Herria bizitzen ari den aldaketa gauzatzerako orduan. «Politikan eta gizartean» emakumeak falta direla uste du Goirizelaiak: «Egoera demokratiko bat nahi badugu, emakumeok parte hartu behar dugu». Urrats zehatzak, ordea, finkatzeko dituzte oraindik. Ekimenak bost urteko ibilbidea beteko du aurki, azkenaldian oihartzunik izan ez duen arren. 2006ko apirilean batu ziren lehenengoz Euskal Herriko alderdi guztietako emakumezko ahotsak —PP, UPN eta UMP salbu—. Elkartzen zituena oinarri hartuta, ozen aldarrikatu zuten jokaleku demokratiko baterako beharra eta euskal herritarren erabakia errespetatzekoa. Esperantzazko testuinguruak lagunduta, hilabete gutxiren buruan milaka atxikimendu bildu zituen proiektuak, eta hainbat herritan ere sortu ziren Ahotsak taldeak. Lasaren [...]
Inauteriek Trintxerpeko kaleak hartu dituzte. Atzo arratsaldeko eta gaueko ekimenak jendetsuak izan baziren, gaur (larunbata) Pasaiako barrutiko kaleak, Euskadi etorbidea batez ere, jendez gainezka izan da. Izan ere 16:30etik aurrera konpartsen desfilea egiten ari dira bertan: 22 konpartsa parte hartzen ari dira bertan, ehunka parte-hartzailerekin. Jendetza izugarria dago ere desfilea ikusten. Ondoko irudi galeria gaurko konpartsen desfilekoa da. Gaur gauean parranda giroa tabernetan eta elkarteetan egongo da batik bat. Bihar, bakailaoa portuko uretara botako dute, Inauteri berantiarrenei agur esateko. Honakoa da biharko (igandea, 13) egitaraua: 16:30ean. Trintxerpeko konpartsen desfilea. 19:30ean. Errenteria-Oreretako Amulletako Danborraren Kofradiakoak kalera aterako dira. 20:00etan. Bakailaoaren ehorzketa.
Maria Iriarte Etxebeste hondarribiarrak 104 urte bete zituen hilaren 6an. Hori dela eta, Juan Mari Altuna Hondarribiko Udaleko zinegotzia Iriarterekin izan zen lore sorta bat eskaini eta zoriontzeko asmoz. Ekitaldi hunkigarria izan zen eta han izan ziren bere familiartekoak, hainbat belaunalditakoak.
Herriko Etxeak Hendaiako zortzi langileri Lan Domina eman die. Ekitaldia joan den ostegunean egin zuten Herriko Etxean. Honakoak dira langileak: 20 urte lanean egin dituztenak: Amaia Balerdi-Vignasse; Jean Jacques Berra; Christophe Calvo; Françoise Elissalde (Intzurako sindikatua); Frederic Larralde eta Veronique Leroux. 30 urte lanean egin dituztenak: Michel Zamora. 35 urte lanean egin dituztenak: Bernard Laville. Dominak eman ondoren, aperitifa egin zuten. Oroigarriak ematen Jean Baptiste Sallaberry Hendaiako alkatea eta hainbat udal arduradun izan ziren.
Herritar ugari hurbildu dira gaur goizean Merkatuzarren egiten ari diren Stock Azokara. 22 erakustokietan zehar arropa, zapatak, ile-apaindegiko produktuak eta beste zenbait produktu prezio onean erosteko aukera izan dute. Kamisetak 6 euroan, 10ean, 15...
Atzo (ostirala) jaon ziren Hondarribia-Irun emakumeen saskibaloi taldeko jokalariak Ibizara, gaur, bertako taldearen kontra Emakumeen Saskibaloi Ligako 22. jardunaldiko partida dutelako. 19:00etan hasiko da norgehiagoka Santa Eulalia pabilioian. Sailkapen nagusian bidasoarren gainetik doan taldea da Ibizakoa, garaipen batera. Hala, Hondarribia-Irunek gaurko lehia bi puntu baino gahiagogatik irabaziko balu (joaneko partidan 62-64 irabazi zuten baleartarrek Hondartzan), Europan jokatzeko postuetan sartuko lirateke Pepelu Mugikaren neskak. Talde indartsua da Ibiza. WNBAn (emakumeen NBA) jokatu duten bi jokalari dauzka, Thorburn eta Rasmussen; Espainiako selekzioarekin jokatu duten bi jokalari dituzte (Silvia Morales eta Paula Seguí), eta Ingalaterrako selekzioarek in jokatzen duen Butler ere kontuan hartzeko jokalaria da.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
